Պակիստանը սպառնացել է Աֆղանստանին «բաց պատերազմով»

Պակիստանի պաշտպանության նախարար Խավաջա Մուհամադ Ասիֆը շաբաթ օրը հայտնել է, որ կարծում է, որ Աֆղանստանը խաղաղություն է ցանկանում, սակայն Ստամբուլի բանակցություններում համաձայնության հասնելու անկարողությունը կնշանակի «բաց պատերազմ», այն բանից մի քանի օր հետո, երբ երկու կողմերը համաձայնեցին հրադադարին սահմանային մահացու բախումներից հետո, տեղեկացրել է Reuters-ը։

Ստամբուլի բանակցությունները, որոնք սկսվել են շաբաթ օրը եւ, ինչպես սպասվում է, կշարունակվեն կիրակի, նշանավորում են Պակիստանի եւ Աֆղանստանի վերջին փորձը՝ կանխելու բռնության վերսկսումը 2021թ․ թալիբների կողմից Քաբուլի գրավումից ի վեր ամենածանր սահմանային մարտերից հետո։

Բանակցությունների նպատակն է մշակել մեխանիզմ՝ Դոհայի հրադադարի պահպանումն ավելի երկար ժամանակահատվածով ապահովելու համար։ Խավաջա Մուհամադ Ասիֆն ասել է, որ համաձայնագրի կնքումից հետո չորս-հինգ օրվա ընթացքում որեւէ միջադեպ չի եղել, եւ երկու կողմերն էլ պահպանել են հրադադարը։ «Մենք ունենք հնարավորություն, եթե համաձայնությունը չհաջողվի՝ նրանց հետ բաց պատերազմ սկսել»,- ասել է նա Պակիստանում, հեռուստատեսային ելույթի ժամանակ։ «Բայց ես տեսա, որ նրանք խաղաղություն են ուզում»։