Թրամփը չեղարկել է Կանադայի հետ առևտրային բանակցությունները

ԱՄՆ նախագահ Դոնալդ Թրամփը հայտարարել է, որ Կանադայի հետ բոլոր առևտրային բանակցությունները դադարեցվել են։

«Նրանց անհանդուրժելի վարքագծի պատճառով Կանադայի հետ բոլոր առևտրային բանակցությունները դադարեցված են»,- գրել է Թրամփը Truth Social սոցցանցում։

Պատճառը նախկին նախագահ Ռոնալդ Ռեյգանի կողմից սահմանված սակագների վերաբերյալ Կանադայում ցուցադրված «կեղծ» գովազդն է։

Օնտարիոյի վարչապետ Դագ Ֆորդը այս շաբաթվա սկզբին հայտնել էր, որ սակագների վերաբերյալ գովազդը գրավել է Թրամփի ուշադրությունը։ Գովազդում ցույց է տրվել հանրապետական Ռեյգանը, որը քննադատում է արտասահմանյան ապրանքների նկատմամբ սակագները՝ նշելով, որ դրանք հանգեցնում են աշխատատեղերի կորստի և առևտրային պատերազմների։

«Ես լսել եմ, որ նախագահը տեսել է մեր գովազդը։ Ես վստահ եմ, որ նա չափազանց ուրախ չէր»,- ասել է Ֆորդը երեքշաբթի օրը։

Կանադայի վարչապետ Մարկ Կարնին լրագրողներին հայտնել է, որ Կանադան չի թույլ տա ԱՄՆ մուտք իր շուկաներ, եթե Վաշինգտոնի հետ տարբեր առևտրային համաձայնագրերի բանակցությունները ձախողվեն։

Հաջորդ տարի ԱՄՆ-ն, Կանադան և Մեքսիկան պետք է վերանայեն իրենց 2020 թվականի մայրցամաքային ազատ առևտրի համաձայնագիրը։