ԱՄՆ-ն գոհ չէ Չինաստանի հետ առևտրի պայմաններից

ԱՄՆ-ի և Չինաստանի միջև առևտրային պայմանները անարդար են. Պեկինը տարիներ շարունակ խաբել է Վաշինգտոնին, Fox News-ին ասել է ԱՄՆ նախագահ Դոնալդ Թրամփը։

«Նրանք միշտ շահույթ են փնտրում։ Գիտեք, նրանք տարիներ շարունակ խաբել են մեզ», - ասել է Թրամփը հեռուստաալիքին տված հարցազրույցում՝ պատասխանելով այն հարցին, թե ինչու է ԱՄՆ-ն Չինաստանի նկատմամբ 157 մաքսատուրք սահմանել։

Նա նշել է, որ պատրաստվում է երկու շաբաթից Չինաստանի նախագահ Սի Ցզինպինի հետ հանդիպմանը։

Նա ասել է, որ չունի «Չինաստանը ոչնչացնելու» մտադրություն, և որ հանդիպումը կորոշի, թե ինչպես կզարգանան երկու երկրների միջև առևտրային հարաբերությունները։

Հոկտեմբերի 11-ին ԱՄՆ նախագահը հայտարարել է, որ նոյեմբերի 1-ից ուժի մեջ կմտնի Չինաստանից ներմուծվող բոլոր ապրանքների վրա 100% մաքսատուրք՝ արդեն իսկ գործող մաքսատուրքերից բացի։ Թրամփը նաև հայտարարել է «կարևոր ծրագրային ապահովման» արտահանման վերահսկողության մասին։ Այս միջոցառումները ներկայացվում են որպես պատասխան Չինաստանի առևտրի նկատմամբ «ծայրահեղ ագրեսիվ դիրքորոշմանը»։