Ուիթքոֆը ծրագրում է լքել Թրամփի վարչակազմը

Գազայի հատվածում հակամարտության կարգավորման հարցերով ԱՄՆ դեսպանորդ Սթիվ Ուիթքոֆը ծրագրում է լքել ԱՄՆ նախագահ Թրամփի վարչակազմը՝ իր բիզնեսին ավելի շատ ուշադրություն տրամադրելու համար։ Այս մասին գրում է ՌԻԱ Նովոստին՝ հղում անելով Middle East Eye-ին։

Սեպտեմբերի վերջին Times of Israel թերթը, հղում անելով անանուն ամերիկացի պաշտոնյայի, հաղորդել էր, որ այս տարեվերջին Սթիվ Ուիթքոֆը կարող է լքել նախագահ Դոնալդ Թրամփի հատուկ դեսպանորդի պաշտոնը։

«Ուիթքոֆը ծրագրում է լքել Թրամփի վարչակազմը՝ կենտրոնանալու համար իր բիզնեսի վրա՝ Մերձավոր Արևելքում հոգնեցուցիչ դիվանագիտական ​​​​գրաֆիկից հետո», – պարբերականին հայտնել են երկու անանուն աղբյուրները։

Պարբերականը չի նշում, թե կոնկրետ երբ հատուկ դեսպանորդը կլքի իր պաշտոնը։

Գործարար Ուիթքոֆը Թրամփի վարչակազմում պատասխանատու է Ուկրաինայում և Գազայում հակամարտությունների խաղաղ կարգավորման համար։