«Քաղաքական թափառաշրջիկ»․ Մխիթար Հայրապետյանը՝ Էդմոն Մարուքյանի մասին

Բարձր տեխնոլոգիական արդյունաբերության նախարար Մխիթար Հայրապետյանն արձագանքել է «Լուսավոր Հայաստան» կուսակցության նախագահ Էդմոն Մարուքյանին։

Մարուքյանը, հիշեցնենք, տեսանյութ էր հրապարակել, քննադատել էր իշխանությանը, անդրադարձել էր նաև Մխիթար Հայրապետյանին՝ նշելով. «ԲՏԱ նախարարի դեմքին նայեք մի հատ, էս ո՞ւմ եք նշանակել, ո՞նց կարա էդ մարդը նախարար լինի»։

Ի պատասխան՝ Մխիթար Հայրապետյանը Էդմոն Մարուքյանին անվանել է «լույսը, ելքը և երրորդ ճանապարհն այդպես էլ չգտած քաղաքական թափառաշրջիկ»։

«Լույսը, ելքը և երրորդ ճանապարհն այդպես էլ չգտած քաղաքական թափառաշրջիկը որոշել է ինձ անդրադառնալ՝ վիրավորական ձևակերպումներ անելով իմ հասցեին։ Պատասխանս կլինի դեռևս 5 տարի առաջ ԱԺ ամբիոնից ունեցած իմ ելույթի այս հատվածը»,- Facebook-ում գրել է ԲՏԱ նախարարը։