ԱՄՆ նախագահի զգուշացումն Իրանին
Դադարեցրեք հարևաններին սպառնալը, դադարեցրեք զինված խմբավորումներին ֆինանսավորելը և ճանաչեք Իսրայելի գոյության իրավունքը։ Այս մասին Իսրայելի խորհրդարանում հայտարարել է ԱՄՆ նախագահ Դոնալդ Թրամփը դիմելով՝ Իրանի ղեկավարությանը։
«Մենք պատրաստ կլինենք, երբ դուք պատրաստ լինեք. սա կլինի Իրանի կողմից երբևէ կայացրած լավագույն որոշումը։ Եվ դա տեղի կունենա», - շեշտել է Թրամփը։
ԱՄՆ առաջնորդը հավելել է, որ լավ կլիներ Իրանի հետ խաղաղության պայմանագիր կնքելը։
«Չե՞ք կարծում, որ դա լավ կլինի։ Որովհետև ինձ թվում է, թե դա է, ինչ նրանք ուզում են», - ասել է Թրամփը։
