Ադրբեջանի փոխվարչապետը հանդես է եկել հայտարարությամբ՝ կապված Իրանի և Ռուսաստանի հետ

Ադրբեջանը հավատարիմ է Իրանի և Ռուսաստանի հետ հարաբերություններում փոխըմբռնման սկզբունքներին: Այս մասին հայտարարել է Ադրբեջանի փոխվարչապետ Շահին Մուստաֆաևը:

Վերջինս, Ռուսաստանի և Իրանի կառավարությունների ներկայացուցիչների եռակողմ հանդիպման ժամանակ հայտարարել է, որ Ադրբեջանը հավատարիմ է բարիդրացիության, փոխըմբռնման և իրավահավասար գործընկերության սկզբունքներին ինչպես Իրանի, այնպես էլ Ռուսաստանի հետ հարաբերություններում:

Նա վստահություն է հայտնել, որ երկու երկրների հետ բազմակողմ կապերը այսուհետ ևս կզարգանան ինչպես երկկողմ, այնպես էլ եռակողմ մակարդակով ՝ բարեկամության և փոխշահավետ համագործակցության ոգով, կհարստանան նոր բովանդակությամբ: