Բանակն ու բյուջեն այլևս չեն թալանվում. Տարոն Չախոյանը՝ Սարգսյանի մասին
Տարոն Չախոյանը Ֆեյսբուքում անդրադարձել է Սերժ Սարգսյանի վերջին հայտարարություններին՝ քննադատելով նրա գնահատականները խաղաղության վերաբերյալ։
ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում արձագանքել է Սերժ Սարգսյանի վերջին հայտարարություններին։ Նրա խոսքով՝ Սարգսյանը խաղաղություն չի տեսնում, քանի որ այսօր դիրքերում օրական զինվորներ չեն սպանվում։
Չախոյանը նշել է, որ նախկին նախագահը խաղաղություն չի տեսնում նաև այն պատճառով, որ այլևս հնարավոր չէ բանակն ու բյուջեն թալանել։
«Չի տեսնում խաղաղություն, որովհետև «խաղաղության» անվան տակ ընտրություն կեղծելու, իշխանություն զավթելու ձև չկա։ Որովհետև իր «խաղաղությունը» այդպիսին էր՝ օրական զինվորներ էին սպանվում, բանակն ու բյուջեն թալանվում էր, իսկ իշխանությունը պահում էին կեղծ խաղաղության խոստումներով»,– գրել է Տարոն Չախոյանը։
