Բեռնատարների շարասյուն է մտել Գազա

Մարդասիրական օգնություն տեղափոխող բեռնատարների շարասյունը կիրակի օրն անցել է Գազայի հատվածի Խան Յունիսով, քանի որ Իսրայելի և պաղեստինյան ՀԱՄԱՍ խմբավորման միջև հրադադարի համաձայնագիրը, ըստ ամենայնի, պահպանվել է, հայտնում է Reuters-ը։

Հրադադարի մասին համաձայնագրի համաձայն, մարդասիրական օգնությունը Գազա կհասցվի ավելացված ծավալով, և թույլատրվելու է դրա ազատ տեղաշարժը անկլավի հյուսիսի և հարավի միջև՝ երկու հիմնական ճանապարհներով։

Իսրայելական զորքերը հետ են քաշվել՝ ԱՄՆ-ի միջնորդությամբ ձեռք բերված պատերազմի դադարեցման համաձայնագրի առաջին փուլի համաձայն։ Պատերազմի հետևանքով զոհվել են տասնյակ հազարավոր մարդիկ, իսկ անկլավի մեծ մասն ավերակների է վերածվել։

ԱՄՆ նախագահ Դոնալդ Թրամփը  Եգիպտոսում կմիանա ավելի քան 20 երկրների ղեկավարների մասնակցությամբ միջազգային գագաթնաժողովին, որի նպատակն է մշտական խաղաղության համաձայնագրի պայմանների համաձայնեցումը։ Գագաթնաժողովը տեղի կունենա Կարմիր ծովի Շարմ Էլ Շեյխ հանգստավայրում։

Ակնկալվում է, որ ՀԱՄԱՍ-ը կեսօրին կազատի մնացած իսրայելցի պատանդներին՝ հրադադարի պայմաններին համապատասխան։ Գազա ամեն օր հարյուրավոր բեռնատարներ կժամանեն սննդի և բժշկական օգնության բեռներով։