Եղիշե Մելիքյանը՝ Հունգարիայից կրած պարտության մասին

Ֆուտբոլի Հայաստանի ազգային հավաքականի գլխավոր մարզիչ Եղիշե Մելիքյանը մեկնաբանել է աշխարհի առաջնության ընտրական երրորդ խաղում Հունգարիայից կրած 0:2 հաշվով պարտությունը։

«Հնարավորություններ շատ ունեինք։ Ափսոս, որ չկարողացանք հասնել դրական արդյունքի։ Բայց չեմ կարող ասել, որ մրցակիցն արժանի չէր հաղթանակի։ Շնորհավորում եմ նրանց։ Մենք կվերլուծենք եւ կպատրաստվենք Իռլանդիայի դեմ խաղին։

Խնդիրներ տեսանք, գիտենք, կվերլուծենք, բայց թիմը հասկանում էր՝ ինչ էր անում, ինչպես պետք է պաշտպանվել, պրեսինգ անել, պահեր ստեղծել։ Շատ բաներ ստացվում էին։ Ինչը չի ստացվում, կփորձենք լուծել։

Վերջին հարվածի խնդիրը կա, եթե վերջավորությունը լիներ արդյունավետ, մենք կհաղթեինք։ Չունենք մաքուր 9 համար, որը կկարողանար գոլ խփել, բայց մարտավարության, ցանկության հաշվին ստեղծում ենք մեր պահերը։ Ինչո՞ւ չենք կարողանում գոլ խփել։ Կվերլուծենք։ Այսօր ամենալուրջ պատճառը գրոհների վերջավորությունն էր։ Պետք է գոլ խփել։ Կարելի էր չպարտվել եւ վերցնել մեկ միավոր։

Հաջորդ խաղում կարող ենք հենվել մեր կոլեկտիվի, մեր մթնոլորտի, երկրպագուների, հավատքի, նվիրվածության, պայքարի եւ կազմակերպված, կարգապահ խաղի վրա։ Շատ դրական բաներ կան։ Դրանց հաշվին կարող ենք շարժվել առաջ եւ հասնել դրական արդյունքի»,- ասել է Եղիշե Մելիքյանը։

Հաջորդ ընտրական խաղում Հայաստանի հավաքականը հոկտեմբերի 14-ին Դուբլինում կհյուրընկալվի Իռլանդիային։