Այս ամենը անհնար կլիներ առանց Թրամփի. Նեթանյահուն՝ Գազայում հակամարտության ավարտի մասին

Գազայի հատվածում իսրայելցի պատանդներին ազատ արձակելու համաձայնագիրը հնարավոր չէր լինի առանց ԱՄՆ նախագահ Դոնալդ Թրամփի և նրա թիմի ջանքերի: Այս մասին հայտարարել է Իսրայելի վարչապետ Բենիամին Նեթանյահուն կառավարության նիստում, որտեղ սպասվում է պաղեստինյան ՀԱՄԱՍ շարժման հետ համաձայնագրի հաստատումը։

«Սա վճռորոշ պահ է։ Վերջին երկու տարիները մենք պայքարել ենք մեր պատերազմական նպատակներին հասնելու համար, և ամենակարևորը  բոլոր պատանդների՝ թե՛ կենդանի, թե՛ մահացածների վերադարձնելն է։ Եվ մենք պատրաստվում ենք դա անել։ Մենք չէինք կարող դրան հասնել առանց նախագահ Թրամփի և նրա թիմի՝ Սթիվ Վիտկոֆի և Ջարեդ Քուշների արտակարգ օգնության: Այս ջանքերը, ինչպես նաև մեր զինվորների քաջությունը, որոնք մտան Գազա, ստեղծեցին ռազմական և դիվանագիտական ​​համակցված ճնշում, որը մեկուսացրեց Համասին։ Ես կարծում եմ, որ հենց դա էլ մեզ հասցրեց այս կետին», - ասել է Նեթանյահուն։

Համասի հետ համաձայնագիրը հաստատելու համար հրավիրված կաբինետի նիստին մասնակցել են նաև Գազայի հակամարտության հարցերով ԱՄՆ դեսպան Սթիվ Վիտկոֆը և Ջարեդ Քուշները, ով ԱՄՆ նախագահ Դոնալդ Թրամփի փեսան է: