Մակրոնին իմպիչմենտի ենթարկելու առաջարկը մերժվել է
Ֆրանսիայի Ազգային ժողովի բյուրոն մերժել է ընդդիմադիր ձախակողմյան «Անհնազանդ Ֆրանսիա» կուսակցության առաջարկը, որը պահանջում էր Ֆրանսիայի նախագահ Էմանուել Մակրոնի հրաժարականը։ Այս մասին այսօր հաղորդել է «Ֆիգարո» թերթը։
Առավոտյան նիստում Ազգային ժողովի անդամների կարծիքները բաժանվել են։ Ձախերը, ինչպես և սպասվում էր, քվեարկել են կողմ, որին միացել են նաև «Կանաչները» և «Սոցիալիստները»։ Բոլոր մակրոնիստ պատգամավորները քվեարկել են դեմ, իսկ «Ազգային միավորման» պատգամավորները ձեռնպահ են մնացել, պարզաբանել է թերթը։
