Իտալիայի վարչապետին Միջազգային քրեական դատարանը դատի է տվել
Իտալիայի վարչապետ Ջորջիա Մելոնին հայտարարել է, որ իր դեմ հայց է ներկայացվել Միջազգային քրեական դատարան (ՄՔԴ)՝ Գազայի հատվածում ցեղասպանությանը ենթադրյալ մեղսակից լինելու համար, փոխանցում է «Ռիա Նովոստի»-ն:
«Ես և մի շարք իտալացի պատգամավորներ դատի ենք տրվել Միջազգային քրեական դատարանում ՝ ցեղասպանությանը մեղսակից լինելու համար։ Ես կարծում եմ, որ աշխարհում կամ պատմության մեջ նման այլ մեղադրանք չկա», - ասել է նա:
Հավելենք՝ Իտալական առաջատար պաշտպանական «Լեոնարդո» ընկերության ղեկավար Ռոբերտո Չինգոլանին նախկինում հերքել էր մեղադրանքները, թե ընկերությունը, իբր, մեղսակից է Գազայի հատվածում տեղի ունեցած ցեղասպանությանը։
Հիշեցնենք՝ ավելի վաղ ՄԱԿ-ի օկուպացված Պաղեստինի տարածքների միջազգային հետաքննության հանձնաժողովը հրապարակել էր զեկույց, որի համաձայն՝ Իսրայելի գործողությունները Գազայի հատվածում ցեղասպանություն են համարվում։
