ԱՄՆ գաղտնի հետախուզական ինքնաթիռը թռել է Ռուսաստանին հարակից օդային տարածքում

ԱՄՆ ռազմաօդային ուժերի ինքնաթիռը, որը նախատեսված է թշնամու ռադարային համակարգերի վերաբերյալ հետախուզական տվյալներ հավաքելու համար, նկատվել է Ռուսաստանի տարածքի մոտակայքում։ Այս մասին գրում է Daily Mail-ը։

Թերթի փոխանցմամբ՝ «Թռիչքի տվյալները ցույց են տալիս, որ Boeing RC-135 Combat Sent հետախուզական ինքնաթիռը երեքշաբթի վաղ առավոտյան թռիչք է կատարել Մեծ Բրիտանիայից, թռել է Բալթյան երկրների վրայով, մի քանի անգամ շրջանցել է Լեհաստանի և Լիտվայի միջև գտնվող ռուսական Կալինինգրադ անկլավը, ապա վերադարձել Մեծ Բրիտանիա»։