Նա խեղկատակ է. Թրամփը՝ Գրետա Թունբերգի մասին
ԱՄՆ նախագահ Դոնալդ Թրամփը շվեդ ակտիվիստ Գրետա Թունբերգին անվանել է խեղկատակ՝ նշելով, որ նա այլևս չի աշխատում շրջակա միջավայրի հարցերով։ Այս մասին գրում է «ՏԱՍՍ»-ը:
«Նա այլևս չի հետաքրքրվում շրջակա միջավայրով։ Նա կատակերգու է, նա զայրույթի կառավարման խնդիրներ ունի։ Կարծում եմ՝ նա պետք է բժշկի դիմի», - ասել է Թրամփը։
Թրամփը մեկնաբանել է Թունբերգի Իսրայելից արտաքսման հարցը՝ ակտիվիստին անվանելով «չար և խելագար»։
Ավելի վաղ Իսրայելի արտաքին գործերի նախարարությունը հայտնել էր «Սումուդ» նավատորմից (արաբերենից թարգմանաբար նշանակում է «անսասանություն») 171 ակտիվիստների, այդ թվում՝ Թունբերգի, Հունաստան և Սլովակիա արտաքսման մասին: Իսրայելի արտաքին գործերի նախարարությունը նշել է, որ «այս հասարակայնության հետ կապերի հնարքի մասնակիցների բոլոր օրինական իրավունքները լիովին հարգվել են»:
