Ներկայիս իրավիճակը կայուն չէ և լարվածություն է ստեղծում․ ԵԱՀԿ-ում ԵՄ մշտական ներկայացուցիչը՝ Լաչինի միջանցքի մասին
ԵԱՀԿ-ում ԵՄ մշտական ներկայացուցիչ Ռասա Աստրաուսկայտեն Վիեննայում ԵԱՀԿ Մշտական խորհրդի նիստում ասել է՝ Լաչինի միջանցքի շրջափակումը լարվածություն է ստեղծում տարածաշրջանում։ Այս մասին գրել է Ռասա Աստրաուսկայտեն թվիթերյան իր էջում։
«ԵՄ-ն բազմիցս կոչ է արել Ադրբեջանի իշխանություններին ամբողջությամբ ապահովել Լաչինի միջանցքով ապրանքների և մարդկանց տեղաշարժի վերականգնումը` համաձայն Արդարադատության միջազգային դատարանի որոշման, ինչպես նաև ապահովել էներգիայի անսահմանափակ մատակարարումը: Ներկայիս իրավիճակը կայուն չէ և լարվածություն է ստեղծում»,- գրել է նա։
Նշենք, որ ՀՀ-ի խնդրանքով հրավիրված արտահերթ հանդիպմանը ելույթ է ունեցել նաև Հայաստանի արտգործնախարար Արարատ Միրզոյանը։
