Հայաստանում էլեկտրամոբիլների շուկան ավելի արագ է աճում, քան Ռուսաստանում. ընկերության տնօրեն

Հայաստանում էլեկտրամոբիլների շուկան 4-5 անգամ ավելի արագ է աճում, քան Ռուսաստանում։ «Ռիա նովոստի»-ին այս մասին հայտնել է «Sitronics Electro» ընկերության գլխավոր տնօրեն Անդրեյ Գուրլենովը։

Նրա խոսքով` Հայաստանում աճի 2 հիմնական պատճառ կա` էլեկտրամոբիլների ներկրման գրեթե զրոյական մաքսատուրքը և էլեկտրամոբիլների անվճար կայանումը։

Գուրլենկովը կարծում է, որ առաջիկա 3-5 տարում ԱՊՀ երկրներում էլեկտրամեքենաների շուկայի երկնիշ աճ կգրանցվի։

«Մենք կտեսնենք 150 կՎտ-ից հզոր կայանների թվի արագ աճ, լիցքավորման հանգույցների կառուցում, ինչպես Չինաստանում, «Plug&Charge» (լիցքավորման տեխնոլոգիա) ծառայություններ և ռոումինգ (տարբեր օպերատորների լիցքավորման կայանների հասանելիություն)», - ասել է նա:

Հենց Ռուսաստանում վերջին 5 տարում էլեկտրական մեքենաների շուկան հսկայական թռիչք է կատարել. դրանց և լիցքավորվող հիբրիդային շարժիչով մեքենաների պարկն այս ժամանակահատվածում աճել է ավելի քան 4 անգամ՝ գերազանցելով 138 հազարը։

Նշենք, որ 2025 թվականի 9 ամսում Հայաստան է ներկրվել մոտ 12 հազար էլեկտրամոբիլ, մինչդեռ ամբողջ անցած տարվա ընթացքում մոտ 9 հազար էր էլեկտրամոբիլ էր ներկրվել։