Փաշինյանը նկատողություն է արել «Զանգեզուրի միջանցք» տերմինը օգտագործելու համար

Վարչապետ Նիկոլ Փաշինյանը, ելույթ ունենալիս ԵԽԽՎ-ում, նկատողություն է արել պատգամավորներից մեկին, որն իրեն հարց տալիս օգտագործել է «Զանգեզուրի միջանցք» տերմինը։

«Որևէ մեկը իրավունք չունի ՀՀ ինքնիշխան տարածքի վրա անուն դնել, որն ընդունված չէ ՀՀ կողմից։ Ձեր նշած խոսույթը ընդհանրապես գոյություն չունի և բացակա է վաշինգտոնյան փաստաթղթերում։ Դա արդեն իսկ ձեռք բերված ինքնիշխանության փոխադարձ ճանաչման կոպտագույն խախտում է»,-ասել է Փաշինյանը։

«Դուք օգտագործում եք «Զանգեզուրի միջանցք» տերմինը։ Որտեղի՞ց այդ արտահայտությունը Ձեզ, որտե՞ղ եք կարդացել այդ արտահայտությունը։ Նման արտահայտություն չկա, չի եղել և չի լինի Հայաստան-Ադրբեջան համաձայնեցված որևէ փաստաթղթում։ Որևէ մեկը իրավունք չունի Հայաստանի Հանրապետության ինքիշխան տարածքի վրա անուն դնել, որը ընդունված չէ Հայաստանի Հանրապետության կողմից»,-հավելել է Փաշինյանը։