Դպրոցի աղոթասրահի փլուզման հետևանքով աշակերտ է մահացել. Ինդոնեզիա
Ինդոնեզիայի Արևելյան Ջավա նահանգի Սիդոարջո քաղաքում իսլամական դպրոցի աղոթասրահի փլուզման հետևանքով մահացել է մեկ աշակերտ:
Միջադեպը տեղի է ունեցել աղոթքի ժամանակ, երբ շենքում մոտ 100 մարդ է եղել։ Ընդհանուր առմամբ փլատակների տակից դուրս են բերվել դպրոցի 89 աշակերտ, որոնք բժշկական օգնություն են ստանում առողջապահական հաստատություններում։
Փրկարարները շարունակում են փլատակների մաքրման գործողությունը և որոնում են շենքի բեկորների տակ մնացած տուժածներին։
