Թուրքիայում 400 տուն է վնասվել, կա 78 տուժած երկրաշարժի հետևանքով
Թուրքիայի Դենիզլի նահանգում երեկ գրանցված երկրաշարժի հետևանքով ավելի քան 390 տուն է վնասվել, գրում են թուրքական լրատվամիջոցները:
Աղբյուրի հաղորդմամբ՝ երկրաշարժի հետևանքով տուժել է 78 մարդ: Այն նաև վնաս է հասցրել նահանգի օդանավակայանին:
Նշենք, որ նախօրեին Դենիզլի նահանգում 6,0 մագնիտուդով երկրաշարժ էր տեղի ունեցել։
Երկրաշարժի օջախը գտնվել է 7 կմ խորության վրա։ Ստորգետնյա ցնցումները զգացվել են նաև հարևան նահանգներում:
