8000 երեխա վտանգի տակ է. կիբերհանցագործները հարձակվել են Մեծ Բրիտանիայի մանկապարտեզների վրա

Կիբերհանցագործները Մեծ Բրիտանիայի մանկապարտեզներից գողացել են ավելի քան 8000 երեխայի անձնական տվյալներ: Այս մասին հայտնել է CNN-ը։

Գողացված տվյալները ներառում են երեխաների լուսանկարներ, անուններ և հասցեներ։ Հարձակվողները արդեն տեղադրել են այս տեղեկատվության մի մասը մութ ցանցում և փրկագին պահանջել ընկերությանը։

Լոնդոնի ոստիկանությունը հաստատել է, որ սեպտեմբերի 25-ին ստացել է փրկագին պահանջելու մասին հաղորդում։ 

Մեծ Բրիտանիայի Ազգային կիբերանվտանգության կենտրոնը իրավիճակը անվանել է «խորապես մտահոգիչ»։

«Կիբերհանցագործները կհարձակվեն ցանկացած մեկի վրա, եթե նրանք կարծեն, թե կարող են գումար վաստակել։ Եվ երեխաների խնամքով զբաղվողներին թիրախավորելը հատկապես նողկալի արարք է», - ասել է կենտրոնի տնօրեն Ջոնաթան Էլիսոնը։