Հայաստանն աշխարհում երրորդն է՝ ավտովթարների հետևանքով զոհերի թվով. վիճակագրություն
Ճանապարհատրանսպորտային պատահարների հետևանքով զոհերի թվով Հայաստանը զբաղեցնում է աշխարհում երրորդ տեղը։ Այս մասին հայտնում է Ուկրաինայում տեղակայված Corestone վերլուծական ընկերությունը։
2015 թվականին, երբ իրականացվել է ուսումնասիրությունը, Հայաստանի մեկ միլիոն բնակչի հաշվով գրանցվել է ճանապարհատրանսպորտային պատահարների 114,7 մահացու ելք։
Ընդհանուր առմամբ, Հայաստանը վարկանիշի առաջին տասնյակի հետ միասին այն երկրների շարքում է, որտեղ միջին արագությունը քաղաքներում գերազանցում է 50 կմ/ժ-ը կամ սահմանափակված չէ օրենքով։
Բոլոր երկրների շարքում առաջատարը Վրաստանն է, որտեղ մեկ միլիոն բնակչի հաշվով գրանցվել է 163,6 մահ, երկրորդ տեղում Ռուսաստանն է՝ 160,4 մահ մեկ միլիոն բնակչի հաշվով։
Հայաստանը հայտնվել է «Արտակարգ» երկրների առաջին հնգյակում՝ առաջ անցնելով Հնդկաստանից (111,5) և ԱՄՆ-ից (109,5)։ Տասնյակը եզրափակում են այնպիսի երկրներ, ինչպիսիք են Բուլղարիան (98,6), Թուրքիան (95,7), Լատվիան (94,5), Ալբանիան (93,5), Ուկրաինան (93):
Երեք երկրները, որտեղ գրանցվել է մահացության ամենացածր ցուցանիշը, հետևյալն են՝ Նորվեգիա (22,5), Մալթա (25,5), Շվեդիա (26,4)։
«Ամենաանվտանգ» երկրների շարքում են դասվել նաև Մեծ Բրիտանիան (27.7), Շվեյցարիան (30.5), Իռլանդիան (35.8), Իսպանիան (36.4), Նիդեռլանդները (36.7), Ճապոնիան (38.3) և Իսրայելը (38.4):
