Իրանն արագացրել է գաղտնի ռազմական օբյեկտի շինարարությունը․ The Washington Post

Վերջին ամիսներին Իրանն արագացրել է Սպահանի կենտրոնական նահանգում գտնվող Քոլանգ լեռան տակ գաղտնի ռազմական օբյեկտի շինարարությունը։ Այս մասին հայտարարել է The Washington Post-ը՝ հղում անելով արբանյակային լուսանկարներին։

Թերթի տվյալներով՝ օբյեկտի շինարարությունը, «որի նպատակը մնում է անհայտ», արագացել է ԱՄՆ-ի կողմից Իրանի երեք միջուկային օբյեկտներին հարվածելուց հետո։ Այդ օբյեկտներից մեկը՝ Նաթանզում, գտնվում է Քոլանգ լեռան մոտ։ 

Թերթի տվյալներով՝  Իրանի ղեկավարությունը նախկինում հայտարարել էր, որ օբյեկտը կարող է օգտագործվել ուրանի հարստացման համար նախատեսված ցենտրիֆուգներ արտադրելու համար: Սակայն թերթի կողմից մեջբերված փորձագետները կարծում են, որ օբյեկտը կարող է ուղղակիորեն օգտագործվել ուրանի հարստացման կամ պահեստավորման համար: