Գալյանը՝ Մերձավանում տեղի ունեցած սպանություններից հետո հնարավոր պաշտոնանկությունների մասին

Արդարադատության նախարար Սրբուհի Գալյանը լրագրողների հետ ճեպազրույցում պատասխանել է այն հարցին՝ Արմավիրում տեղի ունեցած սպանություններից հետո պաշտոնանկություններ կլինե՞ն, թե՞ ոչ։

«Վարչապետը հետևություններ արել է, շատ լավ է արել, ես չեմ կարող հետևություններ անել, այդ հարցի պատասխանատուն ես չեմ, որ հետևություններ անեմ»,- ասել է Սրբուհի Գալյանը։

Լրագրողի հարցին՝ եթե նախաքննությունը չի ավարտվել, առաջին օրով Նիկոլ Փաշինյանը ո՞նց է գնահատականներ տալիս, վարկած առաջ քաշում՝ Գալյանն արձագանքել է․

«Առաջարկում եմ ՝ամեն անգամ իրենից հարցնել, թե ինչը ոնց է անում»,- Արդարադատության նախարար Սրբուհի Գալյանը։