Պուտինն ու Զելենսկին առաջին անգամ հեռախոսազրույց են ունեցել
ՌԴ նախագահ Վլադիմիր Պուտինը հեռախոսազրույց է ունեցել Ուկրաինայի նախագահ Վլադիմիր Զելենսկիի հետ: Ինչպես փոխանցում է РИА Новости-ն, զրույցը կայացել է ուկրաինական կողմի նախաձեռնությամբ:
«Քննարկվել են Ուկրաինայի հարավարևելյան շրջանում իրավիճակի կարգավորմանը և երկու կողմում պահվող անձանց վերադարձնելուն ուղղված համատեղ աշխատանքին առնչվող հարցերը», - տեղեկացրել է ՌԴ ղեկավարի մամուլի քարտուղար Դմիտրի Պեսկովը:
Նրա խոսքով՝ պայմանավորվածություն է ձեռք բերվել այդ աշխատանքը փորձագետների մակարդակով շարունակելու համար:
«Քննարկվել է նաև նորմանդական ձևաչափով հաղորդակցման շարունակության հավանականությունը», - հավելել է Պեսկովը:
