Երկրաշարժից հետո 120 վայրկյանի ընթացքում հայտանաբերում է փլատակների տակ գտնվող մարդկանց․ Թուրքիայի AFAD
Թուրքիայի Սուլեյման Դեմիրել համալսարանի դասախոս Մուստաֆա Գեչինի կողմից մշակվել է սենսորային սարք, որը երկրաշարժից հետո 120 վայրկյանի ընթացքում հայտանաբերում է փլատակների տակ գտնվող մարդկանց։ Այս մասին գրում է ermenihaber.am-ը:
Այն առաջին անգամ կիրառվել է Սամսուն քաղաքում պայմանական երկրաշարժի հետևանքների վերացման միջացառումների ժամանակ։
Այդ սարքը տեղադրվում է շենքերում և երկրաշարժից հետո 120 վայրկյանի ընթացքում կապ է հաստատվում «Աղետների և արտակարգ իրավիճակների վարչության» (AFAD) կենտրոնական գրասենյակի հետ և հաղորդում, որ տեղի է ունեցել երկրաշարժ։ Այնուհետև տեղադրված սարքը ֆիքսում է երկրաշարժից տուժածների ձայները և հաղորդում նրանց գտնվելու վայրը։
