Թեհրանը և Բաքուն քննարկել են Ադրբեջանի տարածքով ռուսական գազի փոխադրումը Իրան
Սադիգը և Ադրբեջանի փոխվարչապետ Շահին Մուստաֆաևը քննարկել են Ադրբեջանի տարածքով ռուսական գազի փոխադրումը Իրան: Այս մասին հայտնել է Ադրբեջանի կառավարության մամուլի ծառայությունը։ Նշվում է, որ Ֆարզանա Սադիգն ընդունել է Ադրբեջանի փոխվարչապետի գլխավորած պատվիրակությանը, որն այցով գտնվում է Իրանում։
«Հանդիպման ընթացքում քննարկվել են այնպիսի թեմաներ, ինչպիսիք են համատեղ նավթային բլոկների մշակումը, Նախիջևանի Ինքնավար Հանրապետության ներառումը երկու երկրների միջև գազի փոխանակման համաձայնագրում, ռուսական գազի փոխադրումը Ադրբեջանի տարածքով Իրան և երեք երկրների միջև էլեկտրաէներգետիկ ցանցերի զարգացումը», - ասվում է հաղորդագրության մեջ։
Այցի շրջանակներում պլանավորված է ադրբեջանական պատվիրակության ուղևորությունը Շահիդ Ռաջայի նավահանգիստ և Ադրբեջանի ու Իրանի միջև համագործակցության հուշագրի ստորագրում։ Ավելի վաղ Մուստաֆաևը հանդիպում է անցկացրել Իրանի ազգային անվտանգության գերագույն խորհրդի քարտուղար Ալի Լարիջանիի հետ, ինչպես նաև համատեղ նախագծերի իրագործման վերաբերյալ հարցեր է քննարկել Իրանի նախագահ Մասուդ Փեզեշքիանի հետ։
