Մենք ապրում և ընկալում ենք աշխարհը Ստալինի, Բրեժնևի, Խրուշչովի ստեղծած մոդելներով․ Փաշինյան
Վարչապետ Նիկոլ Փաշինյանը «Ժողովրդավարության ֆորում»-ի ժամանակ ելույթ ունենալով կրկին հարց է բարձրացրել՝ ինչպիսի՞ն կարող է լինել, օրինակ, ժողովրդավարությունը մի երկրում, որտեղ մարդիկ՝ մենք բոլորս, ապրում ենք Ստալինի և Բրեժնևի ստեղծած հայրենասիրության մոդելներով:
«Մենք ապրում ենք, ընկալում ենք աշխարհը Ստալինի, Բրեժնևի, Խրուշչովի ստեղծած մոդելներով և ասում ենք՝ բայց կարող ա՞ Հայաստանում ժողովրդավարությունն իդեալական չէ: Իհարկե չի կարող Հայաստանում ժողովրդավարությունն իդելական լինել, որովհետև մարդիկ՝ ինձնից սկսած, մյուսներով վերջացրած, մտածում ենք Ստալինի ձևակերպած բանաձևերով, Ստալինի ներմուծած արտահայտություններով և հայացքներով:
Այս առումով ժողովրդավարության ամենակարևոր հատկանիշն ինքնահայեցումն է: Այնտեղ, որտեղ չկա ինքնահայեցում, այնտեղ չկա ժողովրդավարություն»,- ընդգծել է վարչապետ Նիկոլ Փաշինյանը։
