Միքայել Սրբազանը ունի հեղինակություն, որից նրանք սարսափում են․ փաստաբան
Դատարանի, մինչև այս պահը ցույց տված վարքագիծը ցույց է տալիս, որ դատարանը կանի այն, ինչ իրենց պահանջում են։ Այս մասին լրագրողների հետ զրույցում ասել է պաշտպան Երեմ Սարգսյանը՝ նշելով, որ դատարանն ակնհայտ վախեր ունի, ի սկզբանե կաշկանդված է եղել, հետևաբար, այլ ակնկալիքներ այժմ չունեն, միևնույն ժամանակ, ակնհայտ անարդար դատական ակտ կայացնելու համար քրեական պատասխանատվություն է նախատեսվում։
«Միքայել Սրբազանն օբյեկտիվորեն անդրադառնում է ներհասարակական, սոցիալական, քաղաքական իրադարձություններին՝ որպես անհանգիստ քաղաքացի։ Երբ այդ դիտարկումները ցանկալի չեն իշխանությունների համար, իսկ Միքայել Սրբազանը ունի հեղինակություն, որից նրանք սարսափում են։
Այս ամենով ցույց են տալիս, որ ով քննադատի իշխանություններին՝ կհայտնվի քրեակատարողական հիմնարկներում»,- հավելել է նա։
