«Թող Արևմուտքը մտածի, թե հետո այն որտեղ կհայտնվի». Պուտին

Ի պատասխան Ուկրաինայի մատակարարումների՝ ՌԴ-ն չի բացառում այլ երկրների մատակարարումները, հայտարարել է Ռուսաստանի նախագահ Վլադիմիր Պուտինը Հանոյում ռուսական ԶԼՄ-ների ներկայացուցիչների հետ զրույցում։ «Թող Արևմուտքը մտածի, թե հետո այն որտեղ կհայտնվի», - ավելացրել է նա:

Նա նաև ընդգծել է, որ թեև ԿԺԴՀ-ի հետ պայմանագիրը ենթադրում է փոխօգնության տրամադրում ռազմական ագրեսիայի դեպքում, սակայն ուկրաինական հակամարտությունում ԿԺԴՀ-ից զինվորներ օգտագործելու ոչ մի անհրաժեշտություն չկա:

«Այս հակամարտությունում միմյանց հնարավորություններն ինչ-որ կերպ օգտագործելու հնարավորության վերաբերյալ. մենք ոչ մեկին այդ մասին չենք խնդրում, մեզ ոչ ոք դա չի առաջարկել, ուստի ոչ մի անհրաժեշտություն չկա», — ընդգծել է Պուտինը:

Միևնույն ժամանակ, նա չի բացառել ԿԺԴՀ ռազմական մատակարարումների հնարավորությունը:

«Մենք ինչ-որ մեկին ինչ-որ բան ենք մատակարարել և ոչինչ չենք վերահսկում։ Թող իրենք մտածեն։ Նրանք, ովքեր մատակարարում են այդ զենքը, կարծում են, որ իրենք մեզ հետ չեն պատերազմում։ Ես ասացի, այդ թվում՝ Փհենյանում, որ մենք մեզ իրավունք ենք վերապահում զենք մատակարարել աշխարհի այլ տարածաշրջաններ։ Ունենալով մեր պայմանավորվածությունները ԿԺԴՀ-ի հետ, դա չեմ բացառում», - ընդգծել է նախագահ Պուտինը։

Նրա խոսքով՝ Արևմուտքն Ուկրաինային զենք է մատակարարում և ասում, որ «այստեղ այլևս ոչինչ չենք վերահսկում և կարևոր չէ, թե ինչպես է այն կիրառվում»։ Համապատասխանաբար, Ռուսաստանը կարող է նմանատիպ հայտարարություններ անել։

Ռուսաստանի նախագահը նաև նախազգուշացրել է Սեուլին Ուկրաինային մահաբեր զենք մատակարարելու մասին:

«Սեուլի կողմից մահաբեր զենքի մատակարարումն Ուկրաինայի հակամարտության գոտի սխալ կլինի», - ընդգծել է Պուտինը:

Միևնույն ժամանակ, նա նշել է, որ Կորեայի Հանրապետությունը կարիք չունի անհանգստանալու Ռուսաստանի և ԿԺԴՀ-ի միջև համապարփակ ռազմավարական գործընկերության մասին պայմանագրի կապակցությամբ: Հյուսիսային Կորեայի հետ Ռուսաստանի պայմանագրում ոչ մի նոր բան չկա, և օգնություն կտրամադրվի միայն ԿԺԴՀ-ի դեմ ագրեսիայի դեպքում։

«Ուզում եմ ուշադրություն հրավիրել այն հանգամանքի վրա, որ այդ պայմանագիրը նոր բան չէ։ Մենք այն կնքեցինք, քանի որ հին պայմանագիրը դադարեց գործել։ Նախորդ պայմանագրում, որը ստորագրվել էր, կարծում եմ, 1962 թվականին, գրեթե նույնն էր։ Այստեղ ոչ մի նորություն չկա», - պարզաբանել է Պուտինը։

Վիետնամ կատարած այցի ընթացքում Ռուսաստանի նախագահը հանդիպումներ է ունեցել Վիետնամի Կոմունիստական կուսակցության կենտրոնական կոմիտեի գլխավոր քարտուղար Նգուեն Ֆու Չոնգի, նախագահ Տո Լամի, վարչապետ Ֆամ Մին Տինի և Ազգային ժողովի նախագահ Չան Թհան Մանի հետ:

Քաղաքականություն

Պատահարներ