Արմեն Գրիգորյանը՝ ԱԱԾ տնօրենի Բաքու այցի մասին
ԱԱԾ տնօրենի մասին ԱԱԾ-ն կխոսի, եթե անհրաժեշտություն լինի։ Այս մասին՝ Երևանում մեկնարկած ՆԱՏՕ-ի խորհրդարանական վեհաժողովի 108-րդ «Ռոուզ-Ռոթ» սեմինարի շրջանակներում, լրագրողների հետ զրույցում նշել է Անվտանգության խորհրդի քարտուղար Արմեն Գրիգորյանը՝ անդրադառնալով հարցին, թե ինչպե՞ս է գնահատում ԱԱԾ տնօրեն Անդրանիկ Սիմոնյանի այցը Բաքու։
Հարցին՝ արդյունավե՞տ է եղել այցը, արդյոք որեւէ հայ գերիներին վերադարձնելու շուրջ պայմանավորվածություն է ձեռք բերվել, ԱԽ քարտուղարը ասել է. «ԱԱԾ–ն ամբողջ ինֆորմացիան կտրամադրի»։
Ինչ վերաբերում է հարցին, թե պլաններում կա՞, որ ԱԽ քարտուղարը ևս կայցելի Բաքու, Գրիգորյանն արձագանքել է. «Որեւէ այդպիսի քննարկում չկա»։
Հիշեցնենք, որ Անդրանիկ Սիմոնյանը երեք օր` սեպտեմբերի 19-ից 21-ը այցելել է Բաքու՝ ֆորում մասնակցելու նպտակով։
