Ադրբեջանցի պատգամավորը՝ խաղաղության պայմանագրի չստորագրման պատճառների մասին
Ադրբեջանի Սահմանադրության մեջ տարածքային պահանջներ չկան, սակայն, ըստ Հայաստանի Սահմանադրության, Հայաստանն ունի տարածքային պահանջներ։ Այդ մասին Երեւանում լրագրողների հետ զրույցում հայտնել է Թոփչիբաշևի անվան վերլուծական կենտրոնի փոխտնօրեն, ադրբեջանցի պատգամավոր Մուրադ Մուրադովը։
Նրա խոսքով՝ խաղաղության պայմանագրի չստորագրման միակ պատճառը կարող է լինել միայն Ադրբեջանի նկատմամբ տարածքային պահանջները, որոնք ամրագրված են Հայաստանի Սահմանադրությամբ:
Հարցին, թե Ադրբեջանն անընդհատ խոսում է «Արևմտյան Ադրբեջանի» մասին, Մուրադովը պատասխանել է,
«Արևմտյան Ադրբեջան» ասելով նկատի ունենք միմյանց տարածաշրջանային ամբողջականության պահպանումն ու հարգանքը: Դա ավելի շատ հասարակական կազմակերպություն է, որը ծառայում է ժողովրդի շահերին և զբաղվում է մշակութային ժառանգությամբ։ Մարդիկ երկար տարիներ ապրել են այդ տարածքներում և ցանկանում են այցելել իրենց հարազատների գերեզմանները և այլն: Սա ավելի շատ հայեցակարգ է, որը ծառայում է մշակութային ժառանգության և ժողովրդի շահերին»,- պարզաբանել է ադրբեջանցի պատգամավորը:
