Մեր պատասխանը կլինի մտածված. Զախարովան սպառնացել է Ճապոնիային
Մոսկվան չի անտեսի Ճապոնիայի հակառուսական պատժամիջոցները և կձեռնարկի համապատասխան հակազդեցություններ, այդ թվում՝ ասիմետրիկ: Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան, գրում է «ՏԱՍՍ»-ը:
«Ճապոնիայի հետագա անբարյացակամ գործողություններն անպատասխան չեն մնա, սակայն մեր պատասխանը կլինի մտածված և հիմնված կլինի ազգային շահերի վրա։ Մենք կշարունակենք ձեռնարկել համապատասխան հակազդեցություններ, այդ թվում՝ ասիմետրիկ», - ասել է նա։
Հավելենք` ավելի վաղ հաղորդվել էր, որ Ճապոնիայի կառավարությունը որոշել է լրացուցիչ պատժամիջոցներ կիրառել Ռուսաստանի, ինչպես նաև մի քանի օտարերկրյա ընկերությունների նկատմամբ՝ որպես իր հակառուսական միջոցառումների մաս:
