Ֆրանսիայում զանգվածային բողոքի ցույցեր` մասնակցում է շուրջ 10 հազար մարդ

Մոտ 10,000 ցուցարարներ հինգշաբթի առավոտյան դուրս են եկել ֆրանսիական քաղաքների փողոցներ՝ մասնակցելու կառավարության կողմից առաջարկվող խնայողության միջոցառումների դեմ բողոքի ցույցերին: Այս մասին հայտարարել է Ներքին գործերի նախարար Բրունո Ռետայոն LCI հեռուստաալիքով հեռարձակված ճեպազրույցի ժամանակ:

«Ժամը 10:00-ի դրությամբ կա 230 բողոքի ակցիա, ձեռնարկությունների արգելափակման 95 փորձ և 10,000 ցուցարար», - ասել է նա:

Հիշեցնենք` Ֆրանսիայում տեղի է ունենում համազգային գործադուլ՝ ի նշան կառավարության կողմից առաջարկվող խնայողության միջոցառումների դեմ բողոքի: Իշխանությունները կանխատեսում են, որ ամբողջ երկրում կայանալիք ցույցերին կմասնակցի մոտ 900,000 մարդ: Ներքին գործերի նախարարությունը կարգուկանոնը պահպանելու համար տեղակայում է ավելի քան 80,000 ոստիկան և ժանդարմերիա, ինչպես նաև զրահապատ մեքենաներ և անօդաչու թռչող սարքեր: