Ինձ նվաuտացնում են, թիրախավnրnւմ․ ոչ մի կանցլեր նման բանի չի բախվել․ Մերց

Գերմանիայի կանցլեր Ֆրիդրիխ Մերցը Spiegel-ի հետ զրույցում մեկնաբանել է իր անձի շուրջ ստեղծված տեղեկատվական մթնոլորտը և սոցիալական ցանցերում առկա բացասական արձագանքները։ Կառավարության ղեկավարը շեշտել է, որ ենթարկվում է այնպիսի հարձակումների ու նվաստացումների, որոնց նախկինում չի բախվել երկրի որևէ կանցլեր։ 

«Ես  երբեմն-երբեմն օգտվում եմ սոցիալական որոշ կայքէջերից։ Բայց եթե նայեք, թե ինչ է տարածվում այնտեղ իմ մասին, ինչպես են  հարձակվում և նվաստացնում ինձ, ինձանից առաջ ոչ մի դաշնային կանցլեր նման բանի չի բախվել։ Ես չեմ բողոքում, բայց դա է իրականությունը», - ասել է Մերցը։

Անդրադառնալով նախկին կանցլեր Օլաֆ Շոլցի գործունեությանը՝ Մերցը նկատել է, որ նախկինում փորձել են հանրությանը համոզել, թե սոցիալական և անվտանգային քաղաքականությունները հնարավոր է իրականացնել առանց միմյանց հակադրելու։ Ըստ գործող կանցլերի՝ Գերմանիան այլևս չի կարող իրեն նման մոտեցում թույլ տալ։ Խոսելով իր հռետորաբանությունից դժգոհությունների մասին՝ նա ընդունել է, որ իր ձևակերպումները հաճախ տարակուսանք են առաջացնում, սակայն հայտարարել է, որ չի պատրաստվում փոխել իր ոճը։

 «Ես ասում եմ այն, ինչ ճիշտ եմ համարում, և ընդունում եմ այն ​​փաստը, որ դա բուռն բանավեճ է առաջացնում։ Այնուամենայնիվ, ես նաև նկատում եմ, որ նման խոսքերը հանդիպում են գերնյարդային հանրության կողմից, որը հեշտությամբ «գրգռվում է»։ Այնուամենայնիվ, ես չեմ փոխի իմ վարքագիծը», - նշել է նա։

Մերցը նախկինում երկրի ամենաանպարկեշտ քաղաքական գործիչն էր համարվում, ըստ INSA ինստիտուտի կողմից Bild թերթի համար անցկացված նոր ուսումնասիրության։ Ուսումնասիրության համաձայն՝ Մերցը 20-ի մեջ զբաղեցրել է վերջին տեղը՝ միջին 2.9 վարկանիշով։