Վենեսուելան ենթարկվում է ԱՄՆ-ի կողմից ամենալուրջ ներխուժման սպառնալիքին. Մադուրո

ԱՄՆ-ն Վենեսուելային սպառնում է պատերազմով, փորձում է զավթել նրա բնական հարստությունները և հաստատել խամաճիկային կառավարություն, հայտարարել է Բոլիվարյան Հանրապետության նախագահ Նիկոլաս Մադուրոն «Հանուն ինքնիշխանության և խաղաղության ազգային խորհրդի» նիստում: Այս մասին հայտնում է «ՏԱՍՍ»-ը:

«Այսօր մեր առջև ծառացած է Կարիբյան ավազանում Վենեսուելայի դեմ պատերազմի սպառնալիքը, ԱՄՆ-ն փորձում է զավթել մեր բնական հարստությունները և հաստատել խամաճիկային կառավարություն: Այդ սպառնալիքը կասեցնելու, չեզոքացնելու և այն հաղթելու համար անհրաժեշտ է միավորել Վենեսուելան՝ հաղթահարելով բոլոր հակասություններն ու տարաձայնությունները», - նշել է նախագահը:

Մադուրոն նշել է, որ Վենեսուելան կդառնա ավելի ուժեղ, խաղաղ, ժողովրդավարական և միասնական երկիր։ Վենեսուելայի նախագահը բազմիցս հայտարարել է, որ երկիրը ենթարկվում է վերջին 100 տարվա ընթացքում ԱՄՆ-ի կողմից ամենալուրջ ներխուժման սպառնալիքին։ 

Հավելենք` վերջին օրերին ԱՄՆ-ն Վենեսուելայի մերձակայքում ոչնչացրել է երկու նավ՝ հայտարարելով, որ դրանք թմրանյութեր են տեղափոխում ԱՄՆ։ Այդ  գործողությունների հետևանքով զոհվել է 14 մարդ։

Նշենք նաև, որ Վենեսուելայի արտգործնախարարությունն իր հերքել է թմրանյութերի ապօրինի շրջանառության՝ Վաշինգտոնի մեղադրանքները՝ դրանք անվանելով «անհիմն»։