Իտալիան, Մեծ Բրիտանիան և այլն երկրներ կմիանան ՆԱՏՕ-ի նոր նախաձեռնությանը
Իսպանիան, Իտալիան, Մեծ Բրիտանիան և Շվեդիան հայտարարել են ՆԱՏՕ-ի «Արևելյան պահակախումբ» նախաձեռնությանը միանալու ծրագրերի մասին։
«Դանիան կտրամադրի կործանիչներ և օդային պաշտպանության ֆրեգատ, մինչդեռ Իսպանիան և Միացյալ Թագավորությունը շուտով կհայտարարեն իրենց աջակցության մասին։ Իտալիան և Շվեդիան նույնպես նշել են, որ օգնություն կտրամադրեն», - ասվում է Հյուսիսատլանտյան դաշինքի կայքում։
Նշվում է, որ նախաձեռնության շրջանակներում Չեխիայից ժամանել են երեք ուղղաթիռներ։ Գերմանիան նույնպես հատկացրել է չորս Eurofighter կործանիչ։
Ավելի վաղ հայտնի էր դարձել, որ Լեհաստանում մեկնարկել է ՆԱՏՕ-ի «Արևելյան պահակախումբ» անվանումով գործողությունը։ Դրա նպատակն է ամրապնդել արևելյան թևի պաշտպանությունը՝ Լեհաստանի տարածք անօդաչու թռչող սարքերի զանգվածային ներհոսքի ֆոնին։
