Ռուսաստանում ավելի քան 60 օտարերկրյա կազմակերպություններ անցանկալի են համարվել
Տարեսկզբից ի վեր Ռուսաստանի Դաշնության գլխավոր դատախազությունը որոշում է կայացրել ավելի քան 60 օտարերկրյա կազմակերպությունների վերաբերյալ՝ նրանց Ռուսաստանում անցանկալի ճանաչելու մասին։ Այս մասին հայտնում է «ՏԱՍՍ»-ը:
Պարբերականը գրում է, որ 2025 թվականի սկզբից ի վեր 62 կազմակերպությունների վերաբերյալ որոշում է կայացվել նրանց գործունեությունը անցանկալի ճանաչելու մասին:
Գործակալության փոխանցմամբ՝ այդ կառույցների գործունեությունը կենտրոնացած է Ռուսաստանում սոցիալ-քաղաքական իրավիճակի անկայունացման, ընտրական գործընթացներին միջամտելու և պետության ներքին և արտաքին քաղաքականության վարկաբեկման վրա:
Նշվում է, որ տարեսկզբից ի վեր Ռուսաստանում անցանկալի անձ ճանաչված օտարերկրյա կամ միջազգային կազմակերպությանը մասնակցող իրավախախտների նկատմամբ հարուցվել է ավելի քան 130 վարչական գործ:
