ՏԵՍԱՆՅՈՒԹ. Քեֆ անող ՔՊ պատգամավորին պետք է անմիջապես ուղարկել ՀՀ սահմանի առաջնագիծ. Սուրեն Սուրենյանց
«Նոր զոհերի համատեքստում՝ էս «տժժացող» ու քեֆ անող ՔՊ պատգամավորին՝ Արմեն Խաչատրյանին, պետք է անմիջապես ուղարկել ՀՀ սահմանի առաջնագիծ՝ ցրտին, վրանի տակ, Հայաստանի անվտանգությունն ապահովելու»։
Այս մասին ֆեյսբուքի իր էջում գրել է քաղաքագետ Սուրեն Սուրենյանցը:
Նշենք նաև, որ համացանցում, հայկական մի շարք լրատվական կայքերում տեսանյութ է տարածվում, որում երևում է, թե իշխանության պատգամավորը ինչպես է պարում պատերազմ եք գնում, բարով գնացեք երգի հնչյունների ներքո։ Տեսանյութը հրապարակել է Արմեն Խաչատրյանի ընկեր, ըստ լատվամիջոցների՝ գլխավոր դատախազության աշխատակից Արտակ Բարսեղյանը ֆեյսբուքյան իր էջում։
Auroranews-ը փորձեց կապ հաստատել Արմեն Խաչատրյանի հետ պարզելու համար, թե երբ է նկարահանվել տեսանյութը, համամիտ է քննադատությունների հետ, որ պետական պաշտոնյան չպետք է այս օրերին քեֆ-ուրախությամբ զոաղված լինի, սակայն պատգամավորի հետ կապ հաստատել չհաջողվեց։
