Իսրայելական բանակը լայնածավալ գործողություն է սկսելու Գազայում
Իսրայելի պաշտպանության ուժերը (IDF) ավարտել են Գազա քաղաքում ցամաքային գործողության և դրա գրավման նախապատրաստական աշխատանքները՝ պաղեստինյան Համաս շարժման վերջին հենակետերը վերացնելու նպատակով: Այս մասին հաղորդում է պետական հեռարձակող Kan-հեռուստաալիքը:
«Իսրայելի պաշտպանության բանակն ավարտել է ամենաբարդ փուլի նախապատրաստումը, որը շուտով կսկսվի՝ Գազա քաղաքում», - նշվում է հաղորդման մեջ:
Հեռուստաալիքի փոխանցմամբ՝ անվտանգության բարձրաստիճան պաշտոնյաները և քաղաքական գործիչները հստակեցրել են, որ Դոհայի հարձակումից հետո պատանդների գործարքի շուրջ ստեղծված փակուղին անհնար կդարձնի Գազայում մարտերի սրումից խուսափելը։
