Թրամփի թիմը՝ Իրանի վերաբերյալ որոշումներ կայացնելու մասին
ԱՄՆ նորընտիր նախագահ Դոնալդ Թրամփի վարչակազմը կարծում է, որ առաջիկա մեկ ամսվա ընթացքում անհրաժեշտ է «որոշումներ կայացնել Իրանի վերաբերյալ»։ Այս մասին CBS News-ին տված հարցազրույցում ասել է ազգային անվտանգության հարցերով Թրամփի ապագա խորհրդական Մայք Ուոլցը։
Վերջինիս կարծիքով, Իրանը ներկայումս թուլացած և «անբարենպաստ վիճակում է՝ Իսրայելի վարչապետ Բենիամին Նեթանյահուի ղեկավարության շնորհիվ»։
«Բոլորն ասում էին, որ «Հզբոլլահի» առաջնորդ Հասան Նասրուլլահի ոչնչացումը չափազանց էսկալացիոն, չափազանց սադրիչ կլինի, որ դա հնարավոր չէ անել: Իսկ գիտե՞ք ինչ: Նրանք դա արեցին (Իսրայելի իշխանությունները)։ Եվ դա հանգեցրեց իրական հնարավորության Լիբանանում: Սա հանգեցրեց Ասադի և նրա դաժան բռնապետության տապալմանը: Դա հանգեցրեց նրան, որ ՀԱՄԱՍ-ը լիովին մեկուսացավ»,- ասել է Ուոլցը:
