Հռոմի պապը՝ ռուս-ուկրաինական hակամարտության մասին

Հռոմի պապ Լևոն XIV-ը անիրատեսական է անվանել Վատիկանի միջնորդությունը ռուս-ուկրաինական հակամարտության կարգավորման գործում: Այս մասին հայտնել է Crux պորտալը։

«Կարծում եմ՝ մարդիկ լսեցին իմ կոչերը, կոչերը՝ լսելու այս ձայնը՝ քրիստոնյաների և բարի կամքի մարդկանց ձայնը, որ խաղաղությունը միակ ելքն է», - հավելել է պապը։

Լևոն XIV-ը նշել է, որ հակամարտության սկզբից ի վեր Վատիկանը մեծ ջանքեր է գործադրել պահպանելու այնպիսի դիրքորոշում, որը «չի նշանակի կողմ ընտրել, այլ չեզոք մնալ»։

Հռոմի պապը հավելել է, որ կողմերից յուրաքանչյուրի դիրքորոշման մեջ կարելի է գտնել ինչպես դրական, այնպես էլ բացասական կողմեր։

Հավելենք՝ ավելի վաղ Հռոմի պապը առաջարկել էր Զելենսկիին բանակցություններ վարել Ռուսաստանի հետ Վատիկանում։