ԵՄ-ն ավարտում է Ռուսաստանի դեմ պատժամիջոցների 19-րդ փաթեթի աշխատանքը
ԵՄ-ն ավարտում է Ռուսաստանի դեմ պատժամիջոցների նոր փաթեթի աշխատանքը, հայտարարել է եվրոպական դիվանագիտության ղեկավար Կայա Կալլասը։
«Մենք ավարտում ենք 19-րդ փաթեթի աշխատանքը, մենք ուսումնասիրում ենք ռուսական նավթի, ստվերային նավատորմի վերաբերյալ լրացուցիչ սահմանափակումները», – ուրբաթ օրը գրել է նա X սոցիալական ցանցում։
Ավելի վաղ Ֆրանսիայի արտաքին գործերի նախարարի պաշտոնակատար Ժան-Նոել Բարոն հայտարարել էր , որ Ռուսաստանի դեմ ԱՄՆ-ի հետ համաձայնեցված ԵՄ նոր պատժամիջոցների փաթեթը կներկայացվի սեպտեմբերի 15-ին։
