Կատարի վարչապետը սպառնացել է Իսրայելին
Կատարի վարչապետ շեյխ Մուհամմեդ բին Աբդել Ռահման Ալ Թանին մեղադրել է Իսրայելին խաղաղության հնարավորությունները խաթարելու մեջ։ Նա խիստ քննադատել է վարչապետ Նեթանյահուին, որը, նրա խոսքով, «պետական ահաբեկչություն» է իրականացնում։
«Կատարը իրեն վերապահում է այս աղաղակող հարձակմանը պատասխանելու իրավունքը և ձեռնարկելու է բոլոր անհրաժեշտ միջոցները»,- հայտարարել է նա՝ հավելելով, որ միջնորդական ջանքերը Կատարի ինքնության անբաժան մասն են, և ոչինչ չի խանգարի իրեն շարունակել այդ դերը։
