Մեծամորի մանկապարտեզում վերանորոգման աշխատանքներում կեղծիքներ են հայտնաբերվել. կան ձերբակալվածներ
Մեծամորի մանկապարտեզում իրականացված վերանորոգման աշխատանքներում կեղծիքների և չարաշահումների վերաբերյալ Հակակոռուպցիոն կոմիտեում քննվող քրեական վարույթի շրջանակներում ձերբակալվել են շինարարական և տեխնիկական հսկողություն իրականացնող ընկերությունների տնօրեններ: Այս մասին Radar Armenia-ին հայտնել են Կոմիտեից։
Նրանք մեղադրվում են առանձնապես խոշոր չափերով խարդախություն կատարելու, դրան օժանդակելու, ինչպես նաև կեղծիք կատարելու մեջ։ Նրանցից մեկի նկատմամբ որպես խափանման միջոց է կիրառվել կալանքը, մյուսի նկատմամբ՝ գրավը և տնային կալանքը:
Նշենք, որ ավելի վաղ տեղեկություններ էին տարածվել, որ Մեծամորի մանկապարտեզում իրականացված վերանորոգման աշխատանքներում կեղծիքներ և չարաշահումներ են հայտնաբերվել, շինկազմակեպություների տնօրեններ են ձերբակալվել:
