Գերմանիայի կանցլերը՝ ռուսական սառեցված ակտիվների օգտագործման մասին
Գերմանիայի կանցլեր Ֆրիդրիխ Մերցը կողմ է ԵՄ պայմանագրի 122-րդ հոդվածի կիրառմանը, որը թույլ կտա արտակարգ միջոցներ ձեռնարկել տնտեսական հարցերով՝ կապված սառեցված ռուսական ակտիվների օգտագործման հետ՝ Ուկրաինային օգնելու համար, հաղորդում է Financial Times-ը՝ հղում անելով աղբյուրներին։
Թերթը նշում է, որ Գերմանիայի կանցլերը նախատեսում է Բելգիայի վարչապետ Բարտ դե Վևերի հետ քննարկել սառեցված ռուսական ակտիվների օգտագործումը՝ Կիևին օգնելու համար։ Թերթը ընդգծում է, որ երկու եվրոպացի առաջնորդների հանդիպումը տեղի է ունենում այն բանից հետո, երբ Եվրահանձնաժողովի նախագահ Ուրսուլա ֆոն դեր Լեյենը ներկայացրել է Ուկրաինային վարկ տրամադրելու իրավական առաջարկներ՝ օգտագործելով ԵՄ արտակարգ լիազորությունները։ Նշվում է, որ այս միջոցառումը թույլ կտա ռուսական ակտիվները անորոշ ժամանակով սառեցված մնալ և վարկը տրամադրել առանց ԵՄ առանձին երկրների հնարավոր վետոյի։
