Փաշինյանը պատասխանել է Սերժ Սարգսյանի՝ կապիտուլյացիայի վերաբերյալ հայտարարությանը
Այն փաստաթուղթը, այն պայմանավորվածությունը, որ արձանագրում է ՀՀ ինքնիշխանությունը, տարածքային ամբողջականությունը, իրավազորությունը, սահմանների անխախտելիությունը Սերժ Սարգսյանն անվանում է կապիտուլյացիա: Այս մասին կառավարության նիստից հետո լրագրողների հետ ճեպազրույցում հայտարարեց ՀՀ վարչապետ Նիկոլ Փաշինյանը՝ անդրադառնալով երրորդ նախագահ Սերժ Սարգսյանի օրերս արված այն հայտարարությանը, որ Վաշինգտոնյան փաստաթուղթը ասք է կապիտուլյացիայի մասին:
«Սրանով նա բացահայտում է, որ իր և ոչ միայն իր, ամբողջ գործունեությունն ուղղված է եղել և շարունակում է ուղղված լինել Հայաստանի ինքնիաշխանության, տարածքային ամբողջականության, իրավազորության սահմանների անխախտելիության դեմ: Այսինքն, դա շատ ցցուն և խոսուն ինքնախոստովանություն է»,- հայտարարեց վարչապետը:
