Զելենսկին հրաժարվել է ռուսերենը պաշտոնական ճանաչել Ուկրաինայում
Ուկրաինան մտադիր չէ ռուսերենին պետական լեզվի կարգավիճակ տալ Ռուսաստանի հետ հակամարտության կարգավորման շրջանակներում։ Այս մասին հայտնել է Ուկրաինայի նախագահ Վլադիմիր Զելենսկին։
«Մենք ունենք մեկ պետական լեզու՝ ուկրաիներեն։ Ռուսները կարող են ամեն ինչ ասել։ Ես կարծում եմ, որ նրանք նման վերջնագրեր են դնում, որպեսզի բարդացնեն բանակցությունների գործընթացը»,- ասել է նա։
Ավելի վաղ ՌԴ արտաքին գործերի նախարար Սերգեյ Լավրովը հայտարարել էր, որ Զելենսկին նախ պետք է չեղյալ հայտարարեր իր ընդունած օրենքները, որոնք խտրական են և բառացիորեն ոչնչացնում են Ուկրաինայում ռուսալեզու բնակչության իրավունքները, նախքան Ռուսաստանի հետ բանակցությունների սեղանի շուրջ նստելը։
