Ինչ նվեր են փոխանակել Թրամփն ու Զելենսկին
Ուկրաինայի առաջնորդը և ԱՄՆ նախագահը Վաշինգտոնում կայացած հանդիպման ժամանակ նվերներ են փոխանակել` Զելենսկին գոլֆի մական է նվիրել, Թրամփը՝ Սպիտակ տան խորհրդանշական բանալի։ Այս մասին հայտնում է Զելենսկիի գրասենյակը։
«Զելենսկին ԱՄՆ նախագահին նվիրել է գոլֆի մական, որը նրան փոխանցել է Ուկրաինայի զինված ուժերի կրտսեր սերժանտը… Դոնալդ Թրամփն ընդունել է նվերը և տեսանյութ ձայնագրել` ուկրաինացի զինծառայողին շնորհակալություն հայտնելով մականի համար։ Նա Սպիտակ տան խորհրդանշական բանալի է նվիրել Զելենսկուն», – ասվում է Զելենսկու գրասենյակի կայքում հրապարակված հաղորդագրության մեջ։
Սոցցանցերում քննարկում են Սպիտակ տանը Ֆինլանդիայի առաջնորդի լեզվի սայթաքումները
Հիշեցնենք` Թրամփն այս գիշեր Սպիտակ տանը հյուրընկալել է Զելենսկին և ԵՄ երկրների ղեկավարներին։ Ավելի վաղ նա չէր բացառել ապագայում Ռուսաստանի նախագահ Վլադիմիր Պուտինի և Զելենսկու հետ եռակողմ հանդիպում անցկացնելու հնարավորությունը, եթե բանակցությունները հաջողությամբ պսակվեն։
