Գերմանիան 30 տարի անց հրապարակել է Պուտինի հայտարարությամբ Ուկրաինայի վերաբերյալ փաստաթուղթը
Գերմանիան հրապարակել է 1994 թվականի գաղտնազերծված արխիվային փաստաթղթեր, որոնցում Ռուսաստանի նախագահ Վլադիմիր Պուտինի հայտարարություններն են Ուկրաինայի և Ղազախստանի տարածքների պատկանելության մասին: Այս մասին հայտնել է գերմանական Der Spiegel հրատարակությունը։
Նյութերում Ռուսաստանի առաջնորդը նշել է, որ Ղրիմը, Ուկրաինայի արևելյան շրջանները և Հյուսիսային Ղազախստանը պատմականորեն պատկանում են Ռուսաստանին:
«Անհնար է բացատրել, թե ինչու են այդ հողերը դարձել այլ պետությունների մաս, եթե այնտեղ ապրում են միլիոնավոր հայրենակիցներ», - փաստաթղթերում մեջբերվում են Պուտինի խոսքերը։
Մասնագետները նշում են, որ 30 տարի առաջ Պուտինը տարածաշրջանում լարվածությունը կապել է ռուսախոս բնակչության իրավիճակի հետ: Միևնույն ժամանակ, գրառումներում նա ընդգծել է, որ Ռուսաստանի շահերի պաշտպանությունը կայսրությունը վերակենդանացնելու փորձ չէ։
Սպիտակ տանը ԱՄՆ նախագահ Դոնալդ Թրամփի հետ հանդիպումից հետո Ուկրաինայի նախագահ Վլադիմիր Զելենսկին հայտարարել է, որ պատրաստ է քննարկել տարածքային հարցեր, բայց միայն Վլադիմիր Պուտինի հետ անձնական հանդիպման ժամանակ։
